Hot!

ඒ ගොල්ලෝ අපේ සල්ලි වලින් උඩින් ගිහින් තියෙන්නේ මෙහෙමයි!

පසුගිය දෙසැම්බර් 01 සිට ජනවාරි 09ය දක්වා රාජපක්ෂ පවුල සහ එයට සමීප ප්‍රබලයන් ශ්‍රී ලංකා ගුවන් හමුදාවේ ගුවන් යානා භාවිතා කරමින් ගමන් වාර 151ක් යොදවාගෙන ඇති බව අනාවරණය වේ.

මෙයින් මහින්ද රාජපක්ෂ ගමන් වාර 82ක්, නාමල් රාජපක්ෂ ගමන්වාර 25ක්, ශිරන්ති රාජපක්ෂ 10ක්, බැසිල් රාජපක්ෂ 07ක් සහ විමල් වීරවංශ ගමන්වාර 10ක්, සුසිල් ප්‍රේමජයන්ත ගමන් වාර 04ක්, දයාසිරි ජයසේකර ගමන් වාර 01ක්, සරත් මනමේන්ද්‍ර ගමන් වාර 01ක්, දිනේෂ් ගුණවර්ධන ගමන් වාර 01ක්, තිස්ස විතාරණ ගමන්වාර 01ක් යොදවාගෙන ඇත. ඉතිරි ගමන්වාර 09 යෙන් 02ක් ගුවන් රූගත කිරීම් සඳහා යොදාගෙන තිබේ. තවත් ගමන් වාර 07 වෙන් කටයුතු වෙනුවෙන් යොදවාගෙන තිබේ.

මේ අතරින් මහින්ද රාජපක්ෂට සහ ශිරන්ති රාජපක්ෂට මෙහෙයුම් වරප්‍රසාද යටතේ (OPS)ගුවන් ගමන් නොමිලේ සපයනු ලබයි. ඒ හැර නාමල් රාජපක්ෂ ගමන් ගත් වාර 25ට මුදල් ගෙවා නැත. අනෙකුත් සියළු දෙනාද ගුවන්ගමන් සඳහා මුදල් ගෙවා නැති බවද හෙළි වේ.

මහින්ද රාජපක්ෂ තම විධායක බලය ජනාධිපතිවරණය සඳහා ඉතාම පහත් ආකාරයට යොදාගැනීම පිළිබඳව ගුවන්හමුදාවෙන් පමණක් මෙම තොරතුරු හෙළි වේ.

Lanka Truth