Hot!

අතුරුදන් කිරීම් මේ ආණ්ඩුවෙන් ප්‍රවණතාවය වෙලා


කුමාර් ගුණරත්නම් මහතා සහ දිමුතු ආටිගල මෙනවිය පැහැර ගැනීම සම්බන්ධයෙන් විශ්වවිද්‍යාල ආචාර්යවරුන් විසින් රාජගිරිය එන්.එම්. පෙරේරා මධ්‍යස්ථානයේදී අද මාධ්‍ය හමුවක් පවත්වන ලදී.

නිර්මාල් රංජිත් දේවසිරි මහතා

අපි මේ පැහැර ගැනීම ගැන ඍජුවම කිසිවකුට ඇගිල්ල දිගු කරන්නේ නැහැ. නමුත් අපට කිසියම් අනුමාන තිබෙනවා. මේ සිදුවීම සම්බන්ධයෙන් සමාජයේ දැඩි අවධානය යොමු විය යුතුයි. මීට පෙර අතුරුදහන් වුණේ සමාජයේ අද්දර සිටි අය. පාතාල සාමාජිකයින් වැනි අය. නමුත් කුමාර් ගුණරත්නම් හා දිමුතු ආටිගල පැහැර ගැනීම මගින් එය සමාජය කේන්ද්‍රයට පැමි‍ණ තිබෙන බව පෙනෙනවාග දෙවැනි කරුණ තමයි ආණ්ඩුව මේ ගැන අවධානය යොමු කළ යුතුයි. මෙවැනි සිදුවීම් හමුවේ රාජ්‍ය තන්ත්‍රයට ඇහැ කන පියාගෙන ඉන්න පුළුවන්කමක් නැහැ. පුරවැසියාගේ ආරක්ෂාව තහවුරු කිරීමේ වගකීම ආණ්ඩුවට තිබෙනවා. මේවා හුදකලා සිදුවීම් නොවෙයි. ප්‍රවණතාවන්.

ගාමිණී වියන්ගොඩ මහතා

මෙම පැහැර ගැනීම් ගැන මොන තරම් සාකච්ඡා කළත් ඒවා අඩුවීමක් සිදු වී නැහැ. ඒ වෙනුවට වැඩි වෙලා තිබෙනවා. පෙබරවාරි මාර්තු මාස දෙක තුළ පුද්ගලයින් 29 දෙනකු පැහැර ගෙන ගිහින් තිබෙනවා. ඒ කියන්නේ දවස් දෙකකට එක් අයෙක් බැගින් පැහැර ගෙන. ප්‍රජාතන්ත්‍රවාදී අවකාශය හැකිළී යාමක් ලෙසයි අපි මෙය දකින්නේ. පාලකයින්ට ක්‍රියාකාරීව බලපෑමක් නොකරන්නේ නම් රටේ අනාගතය තවත් අනතුරුදායක වේවි.

චන්ද්‍රගුප්ත තේනුවර මහතා

සමාජයේ කන් බිහිරි කරන ව්‍යාපෘතියක් ක්‍රියාත්මක වෙනවා. රාජ්‍යයන්ත්‍රය යොදා ගෙන මිනිස් මනස් විකෘති කරමින් තිබෙනවා. විකල්ප මත දරන්නන් කැරලිකාරීන් දේශද්‍රෝහීන් කියා ලේබල් කිරීම තවමත් නතර කර නැහැ. නීතිගරුක සමාජයක් වෙත නැවත යාමේ අවශ්‍යතාව තදින් තිබෙනවා.

ලියනගේ අමරකීර්ති මහතා

මෙම පැහැර ගැනීම් දිහා බැලුවාම දකින්න තිබෙන්නේ එක්තරා ගුප්ත ස්වභාවයක්. අලුත් පක්ෂයක් එන්න හදන විට එහි නායකයා හිතා ගන්න බැරි විදියට පැහැර ගෙන යනවා. ඊට අපි විරුද්ධ විය යුතුයි. විශ්වවිද්‍යාල ආචාර්යවරයේ ලෙස ඔවුන්ගේ අලුත් අදහස දැන ගැනීමේ අවශ්‍යතාවක් මට තිබෙනවා. උතුරේ දෙමළ ජනතාව සහ දකුණේ සිංහල ජනතාව එකට එක් කර ගත් ගමනක් යා යුතුයි කියන මතය යුද්ධයෙන් පසුව පළමුවෙන්ම සාකච්ඡා කළේ ඔවුන්.

0 comments: